తోచినదేదో, తెలిసినదేదో

        కొలను కలువల, కలకల విరిసెను/          నీలి గగనము వెన్నెలల చందురునితో!/         అలతిఅలతి యిట్టి దూరములేమి చేయు/         చెలిమి పరిమళ మాల నిర్వుర కూర్చన్!

  ఈ బంగరు తళతళల మేను,రజత ముద్రల    బోలు చుక్క/   లా బిత్తరి చూపుల, ప్రముగ్ధ, జనకసుత భ్రమ   యుట కాదె/   ఈ బ్రువు మారీచు ప్రాణహంస మెగిరె,శ్వేతమరాళి    దూరుడయ్యె/    ఆ బ్రృహత్కోదండి, కీర్తిహంస వీడె రావణు కాల       సరి ద్మౌనములన్!

   గడి తేరిన వీరు ధనుసల్లె వంగుచు     బుడుంగుమని,/    సడి సేయక విస్సున నీటి చీల్చి, పై    కెగయు సలిల/    క్రీడా నేర్పరులివి! ఆటలాడి, ఒక     ఆటాడించు రాణ/    లీ డాల్ఫిన్ల హడావిడింతింత కాదయా,                      కూర్మ  నారాయణా !! 

    కలల అలల దాటి నిదుర మేల్కొనగానె/     అల గగన మిత్రుని మ్రృదు కరచాలనము/     ఇల తరు వరుల స్నేహ సమీర లాలనము/     తుల కలదె ప్రాభాత మౌన ప్రక్రృతి గీతికిన్!

గరికల గడ్డిపోచల చక చక అల్లి ఇలు గూర్చు / మెరిక ఇదియె,పక్షి లోక గ్రృహనిర్మాణ మహా రథి!/ అరలై గదు లరమరిక లేక పిల్ల పాపలందరి/ కౌర! నింగికి నేలకు నడుమను ఊగు చిరు ఊయలై!!

కంఠమున నీలము నిల్పియు, శీతల గాంగవర్షి  కపర్ది/ కంఠము సునీలమయ్యు, స్వరమూల షడ్జమున కీ కలాపి/ పాటవమున పాల్కడలి అలల తూగు హరి, నీలదేహి/ ఎట్టి వర్ణము వారైన,గుణ సువర్ణమున్న మెత్తురే  కద!!

       మోమెత్తెనే పూలవని, వన్నెల విరి/        సామి విరిసినదైనను నిండు సిరి!/        ఆమెతలు కూర్ప గిరిజ నెరి వేణి/        అమర సుమ చయము కాశ్చర్య వార్ధి!

పోసినదెపుడో చిన్నపుడిన్ని నీళ్లు,నీదు పాదున/ కోసిన కాయల,త్రాగిన ఖనిజ జలముల లెక్కేలేదు/ వేసిన పెళ్లి పందిళ్ళకు,చేసిన చీపుళ్ళ కంతు లేదు/ ఓసి కొబ్బరి,ఇన్ని మేళ్ళు మాకు కట్టబెట్టిన,నీవు!                                  (ii) అర్ధులకిచ్చి యిచ్చి, బాగ సంతసించు దాతవు కాదే/ పాదప మందార, నారాయణ రూప,నారికేళ విభో!!                                  ****

ఏకపాదమున నిల్చు మౌనులట్లు వృక్ష                  చామరములు/ సౌఖ్య కర సామీరముల సేవింపగ,తరణి  తరుణ/ సు కరమాలికలు గ్రీవము నలంకరింప, భువి,దివి/ సకలోత్సహలై  గారవించె, ప్రాభాతలక్ష్మి కదలన్.

  రివ్వున సాగు గాలికె తుర్రున పారెడి ఉడుత/   నవ్వుల త్రోసె,దవ్వుల కెగురు రెక్కల వీరులు,/   బల్వన్నెల చిల్కలని సరకు సేయక,గింజలకై!/   చేవ, నీ చేతి చలవదో,స్ధాన బలమో,శ్రీరామా!!

    చిన్ని విత్తనము లోన దాచె పెను వటము     చిన్ని వదనము లోన చూపె సర్వ జగము     కనుగవ తోచు ద్రృశ్యమంత వెలి రూపము     మనముల కందని వాని, లో తలపులకున్!!

          దినకరుని కరములు,పలుకుల /           రాణి పదముల తాకగ,నలరించె/           వీణా సుస్వర లహరులా ద్యుమణిని!           నెనరున,సర్వశ్వేత అల్లన నవ్వన్!!

జయదేవ మధురకవితా ఘంటమునకు రాధామాధవ కేళీ విహార స్థలియై/ ప్రియ సందేశ వహ యక్ష భావ భర కాళిదాస మేఘమునకు విశ్రమ దేశమై/ సంయమి జనావాస జనకజా చిత్తహర,వాల్మీకి గంగా తీర నిసర్గ వనమై/ అయ్యమరవరులే ముగ్ధులై విడిది సేయు క్వచిదున్నత వృక్ష పీఠి, మనోఙ్ఞమై!!

    ఆదరమొప్ప లింగ పూజల కేతెంచిన/     ఆది నమస్సుల గణపతి,శుండాదండ/     పృథు బృంహితముల పంచాక్షరి పల్కెనో/     విదళిత కాలున కయ్యగజా పతికిన్!!