తోచినదేదో, తెలిసినదేదో

బలి తలను కాలు మోపి నణచె నందురు ఆ హరి! పలు వింత మాయల సిరి సంపదల దూరము జేసి  లలితముగ చేరువ జేయు పెన్దయ కాదె నరయ! తెలియ తరమె విష్ణు నాగ్రహానుగ్రహ వైనములన్!

     కొర కొర శరముల అరి ఈ నరకునకు       విరి సమ చూడ్కుల,పతి ఆ లీలాక్రృష్ణునకు      మరి మరి బాధల,మురిపెపు సతి వేడ్కల      సరి చేసెనె,సత్యామణి,దీపావళి రాకకై!!

       కొండపల్లి బొమ్మలల్లె కోలాట మాడినారె                     చెంగనాలతో,పక్క నున్న/        కుండలలర సింగారములై,రెండు గుండె                     లెగయ,వరాల గోదారియై!!                                  ****

       ఏడు కొండల ఎత్తున నీవు,జాడెరుగని         లోతుల మేము/        ఏడేడు లోకముల మా రేడ,తిరుమల          వేంకటేశ్వరుడ!/        అడుగము తండ్రి,మడిమాన్యములఏమణి               మాణిక్యముల/        గుండెల నమ్మికతో వచ్చు మాకీవె వడి నీ         దర్శనలక్ష్మిన్!!

      మహర్నవమిది ఆ సింహవాహిని వీరతా                  సముద్భవం/       మహిష క్రూరుని లిప్తలో దునిమి వైచిన        నవోదయంl/       అహంకరార్భటీ మత్త దైత్య వారణ బ్రృహ                త్పలాయనం/       సుహ్రృద్విజయ మండపాంక శరద్రథ ధ్వజ                సుదర్శనం !!                                   *******

    అమ్మను కొలుతు నాద్యంతరహిత నతను                ప్రాణదాయిని/    నెమ్మనముల నిల్పి తలచు అర్చన శీలుర     కవచమై/    ఇమ్ముగ  సర్వతో భద్ర  దుర్గమై  సదా     గాచు శ్రీ దుర్గాంబను     పమ్మెడు సహజగంధ పరివిలసిత  నిత్య     నూతనను!                                  (ii)   నాదతను వామార్ధభాగినియై నిచ్చలు రాజిలు     పురాణి  న్ఖేదమోదము ల్మాని నా మది  తచ్చరణ  సీమ నెమ్మదించన్!!                                  *****