తోచినదేదో, తెలిసినదేదో

          గరుడ వర్ధనములు విరిసినవి          సిరిపతి పదముల నాశించునవి          పేరున హరి తురగము దాల్చినవి         బిరాన తీర్చరె పూల మనోరథమున్!

అంతంతటి మేధావుల ఆకాశమంటు విజ్ఞాన శిఖరములు ఇంతింతన రాని ప్రాణి హానికర కిరణ ప్రసరణములు ఎంతకు ధనమె,పొంచిన ప్రమాదము కానని నిర్లక్ష్యములు ఇంతోటి ఆనందజీవిని రూపుమాపిన, నర విక్రృతములు ! ***

అహో కనకాంబర ధారిణి ఆయెనే నేడంబరము మహారాజ్ఞి ఆర్యా మహాదేవి త్రిపురసుందరి మెచ్చ బ్రాహ్మీ వేళల దర్శించి యొచ్చెనో కైలాసాచలమున విహాయసాంగణమెల్ల పాటలారుణముల శోభిలెన్!√

ఇంటి లోన ఎవ్వరమ్మ అన్నపూర్ణ లిటు చూడరే సుంత  కంట నిండు ఆశల వచ్చినాము గో గోవత్సముల మిప్డు  కంటకములై మము బాధించు తుంటరుల పని పట్టరె వెంట పతి సుతులు,క్రృష్ణచక్రోపమ ఆస్థ రాగ మీతోన్!