పిచ్చుక!
అంతంతటి మేధావుల ఆకాశమంటు విజ్ఞాన శిఖరములు
ఇంతింతన రాని ప్రాణి హానికర కిరణ ప్రసరణములు
ఎంతకు ధనమె,పొంచిన ప్రమాదము కానని నిర్లక్ష్యములు
ఇంతోటి ఆనందజీవిని రూపుమాపిన, నర విక్రృతములు!
***
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment