శాంతస్థిరుడు!
కిమ్మనక కూర్చున్నాడె కేవల నారసింహుడు, ప్రహ్లాద వరదుడు!/ నమ్మికల నిల్పి,బాలు గావ, దైత్యుని చీల్చిన, శాంత నారాయణుడు!!
Posts
ఇంటి సిరి!!
ఏమి పున్నెముల జేసిరో, యిటుతెల్లబుజ్జాయి, నోయి గోవింద/ గోము గోముగ పాట పాడి, ఇంటి పసికందు వోలె లాలించేరు!/ సమ్మోదమున కడవల పాలిచ్చి,పుడమి.దున్నేటి స్నేహిని/ మమ్మేలు వేవేల దేవతల, కనుల ముందాడు శ్రీ రూపిని!!
పూవులో పూలు!!
పూలను పూలని విన్నదె కాని కన్నది లేదు, హిమశైల/ బాల ముఖమె విరిసిన శతపత్ర కమల సుందరము!/ మిలమిలలాడుచు చెంగల్వల చలువలా నయనద్వయి/ భళి నపూర్వమిదె గంటి నేడు,నా కనుల్వి ప్పారి మ్రొక్కన్!
పట్టాభిరామం!!
పక్కల కూర్చొను మురిపెము గనరె, శ్రీరాము చక్కని సతి సీత,నిక్కపు త్యాగి సౌమిత్రియు! ఎక్కడి ఇక్కటులా రక్కసి బాధలు దాటగ, దిక్కులు విరి వాన కురియ పట్టారాముకై!!
లీలాక్రృష్ణ!!
పిల్లన గ్రోవి నూదిన అట్టె నిలచిపోయె, నెల్ల జగతులు మైమరచి, ఆనందమున! అల్లరి వేణువు ఆగినను అట్టె నిలచె ఎల్ల జగతు లుస్సురనుచు , ఆశ్చర్యమున! (ii) రూప వచో లీలా విలాసముల భ్రమియించు నప్రమేయ శ్యామ క్రృష్ణు డల్లన నవ్వుకొనన్!!
కినుకయో?!
దళ హరితముల నీవె, ముకుళ ముగ్ధతల నీవె! పూల పేశలతల నీవె, పల్కరించు తావుల నీవె! వేల పలు వన్నెల నీవె, వ్రృక్షకాళి నేవళ మీవె! యేల శాంతామలదేవ! మౌన కాఠిన్య మీ వేళన్!
గణపతి!!
సర్దుకొని కూర్చొనె ఇదె,బొద్దు గణపతి, ముద్దుల పట్టి ఆ జగజ్జనని పార్వతికి! అద్దము వంటి మీ మనముల భక్తి కొల్వరె పెద్ద దిక్కు మాకు నీవని,విఘ్న వారణున్!
పూజలో శ్యామక్రృష్ణ!
పూజలో శ్యామక్రిష్ణ!! ఒరయు కావేరి స్నానమాడి వెలుగు రేకల పల్కరించుచు/ సరిగంచు పట్టు ధోవతితో విభూతి కుంకుమల మించుచూ! **** పూదోట తానె గోరానిన మందార మల్లెలు మంచి గంధాలు/ చేదాల్చు వెండి సజ్జ పద పదమన చేరెనే అమ్మ గుడికి!! **** వేద కాంతియై భాసించు సిరిమోముతో సామోద సదాక్రృతి/ సుధ్ధ్యాన ముద్రయె నడచినట్లు శ్యామక్రృష్ణ,తల్లి పూజకై! **** నుత శచీశ సేనాని, క్షిప్ర ప్రసాదిని,సుతు కానో, పరాకేల?/ నత జన పాలిని, అమ్మ మాటాడవేల నాతో,యని వగచె! **** బంగరు కామాక్షి మందిరమ,హ్రృదియె జనని మంటపమ/ పొంగెడు అందెల నాదము సాగె, నెవ్వరు వినని సవ్వడియై!! ...
ఎదురు చూపులు!
బేల చూపులవి, దేనికే కపిల! జాలి ద్రృక్కులవి, యేటికే ధవళ! తల్లి ప్రేమలవి, యేరికే సుఫల! మల్లె సురభుల దాగు,ఆ బాలుకే?! (ii) వ్రేపల్లె విడచి, కాళింది నొదలి ఏ పొద్దు రాడేమొ,గోవింద దేవుడు? ! *****