గణపతి!!
సర్దుకొని కూర్చొనె ఇదె,బొద్దు గణపతి,
ముద్దుల పట్టి ఆ జగజ్జనని పార్వతికి!
అద్దము వంటి మీ మనముల భక్తి కొల్వరె
పెద్ద దిక్కు మాకు నీవని,విఘ్న వారణున్!
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment