తోచినదేదో, తెలిసినదేదో

           తూరుపు లెంక,వేకువ తలుపది            ఓరగ తీయగ, దినరాజు ముఖ            మెరుకాయె,వెలివెల్గు లేచాయల!            మరి కొన్ని కథాకేళుల నాందియై!

రామ సార్వభౌము వీరతాసూచకము ల్సిందూరపు సుందరములు/ రామా మణి జానకి సౌశీల్యముద్రలు శాంత శ్వేత మందారములు/ సౌమిత్రి  అన్నకై చేసిన సేవల పున్నెములై తెల్ల గన్నేరులు/ అమ్రృత గుణ భరతశత్రృఘ్న త్యాగ స్వఛ్ఛ నంది వర్ధనములున్!

        సాంధ్య రోచులివె పూల లోకమున         కందళించు పాటల దళాభిరామలై!         వింధ్యవాసినీ పదముల వ్రాలగ,         హ్రృదాకాంక్షయొ,తత్సౌరభమానగ!!

  మూడుపూలారుకాయల జామ,తొలికారు పంట!   వేడుకగ  చెట్టెక్కి కోసినారు, బుట్టల నిండ!   వడి వడి  ఉడుతల, చిట్టి చిలకల కంట   పడని బహు పసందులివి,ఆరగింప రారే!!

      పూత పూసిన దిరిసెనేమొ ముఖము       లేత  కాంతుల విరిసె  దరహాసము        ఆతతాకాశపు వీథుల వాతాటము       లే తళుకుల బాల ఖేలనోత్సవము!!                     *****       (పతంగీ ఎగరేస్తున్నట్టు ఉంది కాబట్టి)

! చిత్రిక పట్టునట్లా ముక్కేమే,చిత్రమై ఆ మేని రంగేమే పత్ర రధమిది ఎచటిదో,నల్వుర మొక్కటియై చూత మే రీతి  బెదరదని,  కను లెర్ర  జేసిన  కదలదే గరువపు చూపులని!కీరముల్చినబోయి అట్టె చూడ!!                                (ii) బాగోగులరసి పోరు నష్టము పొందు లాభమనెరుగ  ఖగముల్పంచతంత్రము చదివినవి కావే  బుధవరా!                                 ******* (బుధవరుడు, శ్రీ విష్ణు శర్మ గారే!)

                            1   తండములో అందరికి దప్పిక ఒకటె కాదె   గూడెపు నీటి బుగ్గ ప్రతి గడప గంగ కాదె   ఎడముంచు మనిరట చదివిన ఆసాములు   పెడ చెవిన బెట్టి,కొరివితో స్నేహములేలా?!!  -                                                        2   బుధ్ధి నదుపు చేసిన చదువది, ఔదలకు తొడవే!   హద్దుల నుండని బుధ్ధికి చదువది,వ్యర్ధపు బరువే!!

చింత చిగురు పులుపుల,చింత ఊరగాయ ఘాటుల ఎంత చెప్పిన త్రృప్తి కనరాదె  తెనుగు రాయునకు! వింత వంకరల వంపుల ఈ సీమచింత దారే వేరు పంతముకాపేరైన,రుచులొక్కటౌనె,నిశ్చింతరాయా!!!

             పితరుడేమొ అభవు డనాది!              మాత్రృశ్రీ,తా బాల,బహుపురాణి!              చేతుల, కరి ముఖ ,ఏక దంతి!              జోతల కాది, వర ద  దిగ్దంతి!!

    ఎందాక ఎందాక ఎందెందాక నీ యెదుగని     ముందెన్నడు కని విని ఎరుగని వేగరిని, .   సందడి సేయు పూరాణి నీ మందారము నడిగి,     అందముగ నవ్వె వని,నభమె నా హద్దనన్!