తోచినదేదో, తెలిసినదేదో

       వేడి తాళక, దప్పి కోపక,నీటికై  వెదకెనే         పులుగు,/       చూడరె యొకింత జాలితో,ఈ వేసవి,మన        సాటి జీవుల!       బుడి బుడి గిన్నెల, ముంగిట నీరుంచిన        చాలదియె త్రావి/       వడి తుర్రుమని ఎగురు,మీ వీటికి శుభమ్మని              పాడుచున్!!                                 *****

అందరకు చలువ వెన్నెలల పంచుచును,ఆ నెలరాజు/ కెందు కిల కమల బాలలతో  వైరమనుచు, తెచ్చి పద/ మ్రృదు కమలము,నిజ చంద్రాస్య బింబము  దరికి,వెలసె/ నిదె,యనిదంపూర్వ  సఖ్యత  యను  పత్ర శాయికి జోతల్!                              ***** (ఒక సంస్క్రృత సుభాషితం ఆధారంగా వ్రాసినది- అందరికీ వెన్నెల పంచే చంద్రుడికి, ఎందుకబ్బా,కమలాలతో వైరమని,అది తీసేసి అపూర్వమైన స్నేహాన్ని నెలకొల్పాలి అన్నట్టు,తన పద కమలాన్ని,చంద్రుని తో సమానమైన తన ముఖం దగ్గరికి తెచ్చాడు అన్నట్లున్న వటపత్ర శాయికి మా నమస్కారములు అన్న భావంతో!)

                    గో లోచనములు!!  కన్నుల అవి, చల్లని చూపుల కారుణ్య   కలశములు/ కన్నుల అవి,సాధుత్వము చిప్పతిలు,సత్త్వ పూర్ణములు/ కన్నుల అవి, మాత్రృ ప్రేమలకు నిర్మల  దర్పణములు/ వెన్నుని రాకకై యెదురు జూచు,వాత్సల్య  సుధా వర్షులు!!                              ****

                       మాంగల్య ధీర!! వరించి,తపించి,అచల శివుని మనము కరుగగ జేసి,/ కరము పట్టె, జతగ జగద్రక్షా దీక్ష యును, ద్రృఢ వ్రతయై! వెరపు లేదింత గొంకుయును,గరళ మాన నుంకించు పతికై,/ నిరత మంగళ మది వ్రేళ్ళూనిన, మాంగల్యపు చేవ యెట్టిదో !                               ******

కను లర మూసి,ఒంటి కాలిపై తటాక తీరమున తా నిలచి,మౌని,సాధుగుణసంపన్ని యని నమ్మించి  మీనము లేమరి దరి రాగ,గుటుక్కని మ్రింగు బక వైనము,కపట వ్రృత్తులీ జగాన,త స్మాత్ జాగ్రత!

ఎవ్వడు తండ్రికై రాజ్యము నుద్వహమును త్యజించె నెవ్వడు భార్గవు  నెదిర్చి  కదనమున జయించె! నెవ్వడు విష్ణు నామ సుధా కలశి జగతి కిచ్చె!   నెవ్వడు కృష్ణ హసన్ముఖ దర్శియై తనువు రాల్చె!                                (ii) తలతు దద్దయు భక్తి, దివిజాపగా సూను భాగవతా సమాను/ కుల రక్షా దీక్షా కంకణువాసుదేవార్పిత మానస ప్రసూనున్!!

1 పలిత కేశము, శిథిల దుర్గము,విదళ వ్రృక్షము, కలల అంతము,విశిఖ ఖడ్గము,విజల మేఘము, వలెను తోచెను,కనుల ముందట, నిలచి జాలిగ! ఇలను వెల్గిన,తపాల విభవ,చరమ చిహ్నము!! ***************************************** 2 అన్ని కబురుల నటునిటు చేరవేయు తపాలపేటి ఖిన్నయై/ కనిపించె నేడిటు కాలము చెల్లి, గత వైభవ దీన చిహ్నమై !

  ఓప లేని శోక మోహాగాథ వార్ధి చిక్కిన వారి   యిరుల/  బాపవె,కోటిసూర్య ప్రభా సమ కారుణ్య దీప్తిమంత,   శాంత?/  చాప చుట్టి, యుదధి చీకటుల దాచిన, ధరను   గాచిన/  పాప దనుజ సంహార, ఓ ఆదివరాహ, జయహో   భూమీశ !!