తోచినదేదో, తెలిసినదేదో

సార్వభౌముని రాకకు  మున్నె రాచశోభలను వెలార్చి/ పరచినటుల,సలిలము ల్తరునారుణము లయ్యె,ఆ/ పర్వత శ్రేణులు కళల చూపే,కర్మ సాక్షి  ప్ర భాకరు కరము లక్షయమ్ములు కావే,నిఖిల జాగృద్వ రములై!

సంధ్యాంబర కళ యొకటి విరి వని దిగెనేమో/ విధ విధముల అద్దకముల,అలంకరణల/ మధ్య నొదిగె శ్యామారుణిమల చారిమ అల్లన/ ఉదయించనవే అపరంజి కేసర నర్తనలు!                              ( ii) అమరెను ఛత్రోత్తంసములై  కుంకుమము లయిదు/ అమూర్త రసధుని అనంతుడే  ప్రసన్నతల చేసెనో!!

మూడుదివ్వెల కాంతులు ముగురమ్మలకని భక్తిగ/ చేడియల్ వెలిగింప, చిరు నగవుల చేరెనవి/ ఏడేడు జగముల నేలు మూలపుటమ్మ శ్రీ దుర్గనె/ వడి, నదులన్ని తరలి కడలి కలసిన భంగిన్!!

అప్పుల గప్పున త్రాగి మా కప్పున మబ్బుల లో చేర్చి/ ఎప్పు డాకర్షిం చెప్డు చినుకై రాల్చునో, గోప్య మొకటి!/ అప్పుగ తా గొని వెల్గుల,మార్చి కప్రపు జల్లు లిచ్చు/ అప్పున్నమి శాంత మొకటిర్వురు,దాతలే మా కిలన్!                                 **** Note: అప్పు=నీళ్ళు, అరువు అని రెండు అర్థాలు. మా కప్పు= ఆకాశము!

సంధ్యోపమ నవోదిత కుసుమమ్ములు వింధ్యవాసినీ పదాభిలషితమ్ములు ఇందిరా మందిరావన శోభితమ్ములు! విధి వధూ దీవిత కళా గంధమ్ములు!

             ఒంటి కంటి రాకాసి కన్న              ఒంటి అద్దపు జోడు వాడు              కంటికెంతో  భయంకరుడు              చంటి దడిచే బూచిగాడు!!

శరన్నవములొచ్చే రా రావమ్మ గిరి రాజ నందినీ! వర సిద్ది గణేశుతో,స్మరకోటి లావణ్య స్కందుతో!                              **** కనక ధారా వర్షి, హరి అనుగు  దేవేరి, లక్ష్మితో పూర్ణవిద్యా కలశి,విధి చెలిమి కాణాచి,వాణితో!                               **** నిర్విఘ్నకార్యులై,నిర్జితారులై,శ్రీ,విద్యా,ఘనులై,నీ సర్వాభయ రక్ష, అక్షయాంబ,దుర్గ, జనులెల్ల వెల్గ!            .                   **** రాలేదనుకోము ,దేహార్ధమై నీ లోనే లేడే శివుడు! ఫాలాక్షుడైన, జాలి గల యెద,భవహరుడు సదా!                                 **** (రెండు,మూడు,నాలుగు పాదాలకు,5 వ పాదం తో క్రమాలంకార  బంధం)

అడివోరి చిన్నవాడు, ఏ సడి సేయడెపుడును మిడి మిడి గీతల,రాతల కెంతో దూర మితడు! కాల్పనిక  జగతీ  విహరణల  వివరణల ఈ లోకరీతుల,సాగేటి పలు సాము గరిడీల శాక్యముని శాంతి బోధల,శాతవాహన గాథల సకలాంగ సుందరమై తీర్చి చెక్కు శిల్పి ఇతడు! సరళ రమ్య చిత్ర రచనల రేఖా విరించీతడు పారేటి కిన్నెరసానియ,కచ్ఛపీ హస్త వాగ్దేవియ సిరులొలుకు శశికళయ,వీర సముద్రగుప్తుడ పరమ సహజతల కాటపట్టులు,ఒజ్జబంతులు!! మెత్తనౌ పలుకుల,సుతి మెత్తని మది తలపుల ఎత్తరి చూతునో నాదు కలల కవన లక్ష్మినని చిత్రమౌ తపము చేసిన రసపిపాసి,"బాపిబావ"! చేతులెత్తి ప్రీతి  మ్రొక్కుదురాంధ్రు లాదరమ్ముతో!                            ******

కరములుతగలకనే గుడిగంట మ్రోగు,యంత్ర  మహిమల/ నోరార మంత్ర మనకనే పూజలవి సాగు,శబ్ద  గ్రాహిణుల!/ కరచాలనము ల్లేకనే  జగతి కదలు, నమ  స్కారముల! వర మడుగక ఇచ్చు దైవ మెవ్వరో తెలియరై రి తాతల్!!

 వనోత్సవముల తానే వసుధ వెలసిన/  కనుల పండువగు హరిత హరిద్రముల/  వినీత వృక్షక కనక కలశమై తోచే/  సన్నుతి సేయకెటుల పన్నగశాయి కళన్!?

  దండమయా కోదండరామ!యని భుజముల నల్ల  గుండు,కర పదముల నిగళ యుగమున్నను, వే  దండము నెక్కి అజాండము ల్నిండగ పల్కెదనని  గుండెల దాశరథి న్నిల్పిన గోపన్న తలతు భక్తిన్.

చల్ల గాలికై పూల పలకరింపుల మైమరచి/ మెల్లగ నడయాడి సాగుచు,వాలిన పక్షులని/ అల్లన కొమ్మల కదల్చ,విరుల్ సన్నగ నవ్వె!/ బాల,మా రూపు రేఖల భ్రమసె పాపమనుచున్!! (ఆ పూలు వాలిన పక్షుల లాగా ఉండటం వలన, ఆ బాల భ్రమపడి, కొమ్మలను కదలించటం, చూసి, విరులు సన్నగా నవ్వినయ్యి అని!)