చేయకనే!!
కరములుతగలకనే గుడిగంట మ్రోగు,యంత్ర
మహిమల/
నోరార మంత్ర మనకనే పూజలవి సాగు,శబ్ద
గ్రాహిణుల!/
కరచాలనము ల్లేకనే జగతి కదలు, నమ
స్కారముల!
వర మడుగక ఇచ్చు దైవ మెవ్వరో తెలియరై
రి తాతల్!!
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment