తోచినదేదో, తెలిసినదేదో

   నిదుర పోవె అమ్మాయి,కలలోనను ఆడి పాడ!    ఎదో కొంగొత్త ఆటల తెచ్చి, నలరించ సఖుల!!

అమ్మ!నా చూపది సుదీర్ఘమై అద్దములో ఎంచక్క చిక్కినవే/ ఆ మౌన సువిశాల గగనాంగణపు ముగ్గుల వెండి చుక్కలో/ అమరేంద్ర సుత జయంతి పట్టు పరికిణీ నల్లిన  పూవులో/ అమరిక లేని ఆగణిత తారలో,ఆశ్చర్యమౌ  సొబగులై!!

మా కథ,నా రామభద్రు కథాసుధ,చెపుమ ఓ హనుమ/ నా కర్ణపేయమై!అకట నిల్వదీ ఆనందమా గహన / కీకారటవుల చెట్టును పుట్ట బట్టి,సోదరు  ల్ద్రిమ్మర,/ నక్కతమీ మ్రృగ లోభి యని నా చిత్తమాక్రో శించన్!!                                **** మాకథ నేమని చెపుదు వీవు హనుమ,వనముల  నా కందమూలాశనమైన నొల్లక విభుడిటు కుంద, నక్కతము భ్రమయించిన జిల్గుటిర్రి, పైడి పల్కుల లక్ష్మణు శంకించి దూరిన నా వెర్రి కాదే,దుర్విధీ!!                                 ****  

    మకరమున చేరితివ సూర్యదేవర, దివిని,     సుకరమగునో జనజీవన మేమైన భువిని!     ప్రఖర కర ఖడ్గముల తురుమవే వికృతుల     నికరమగు శాంతి మనగ కష్టజీవు లిలన్!!

  లెమ్మిక,నిద్రాణమగు నీ స్వశక్తి గుర్తెరిగి మేల్కాంచు మిమ్మహి పరోపకారమె ఆది కర్తవ్యమ్మని సాగుము! అమ్మాధవు సేవకు సరి కాదె, దీన మానవ సంసేవ, ఏమరకు,యేడవకని చాటిన జ్ఞాన ప్రభాకరుడు!!

        తెలతెలవారెను లేబంగరు వెలుగుల/         గలగలమని ఖగాళి పాడుచు వెడలె/         జలమున నీడలు సైసైయని తొందరించ/         అల్లదిగో,వనములు రారమ్మని పిలువ!!

పూల చూడ వచ్చెనో,చివురుల పల్కరించనో,బేల,/ ఇల  కనబడినదె నిజమనుకొను సాధు శీల!/ ఖల,హైమ మ్రృగ ఛలము పొంచినదని ఎరుగదు/ నలువ వ్రాత చెరుపనగునె హర్యంశ,రాముకైనన్!!  

     నల్లని కంబళి కప్పుకొని,తెల్లని పుట్టము తో/      అల్లన నిక్కుచు కడలి తీరమున తిరుగును,       కొల్లగ పొలము ధనము కల మోతుబరి వలె!      ఇల్లింత ఎగురలేనిది,దివి చూసితన్న రీతిన్!!                               **** (ఇది రెక్కలతో, "పక్షి'  కిందే లెక్క, కానీ ఇంత కూడా ఎగరలేదట!!)  

నటేశ విశేషం!! అంతరిక్ష వీథుల సంరంభమున పరుగిడు అనంత/  జ్యోతిర్గణముల,నిశ్చిత పథుల,నియత వేగులుగ/ గతి బధ్ధ మౌన జతి, కక్ష్యల నాడించునే వటమూల/ స్థిత శివమూర్తి, వాడె,భరతాచార్యుడీ విశ్వవేదికిన్!                             **** ఆనంద తాండవమన ఆ చిదంబరు నర్తన హేల అనంత సృష్టి స్థితిలయల,వర్తుల భ్రమణ లీల!!                             **** పంచకృత్య సంపుటీ సుదర్శనమె,హస్తాంఘ్రి విన్యాసార్భటి/ ప్రచలిత  ప్రతనోణు  గర్భ మధ్య మహఛ్ఛక్తీ సంకేతమై!!                             **** విశ్వ లయసమన్వయ కౌశల పోలమె నట  రాజ గభీర/ మాశాద్యనవఛ్ఛిన్నాక్షర చతుర్బాహ్వాతతము, నర్తనోత్థిత/   మాశామోహభ్రృదవిద్యా నిర్దలన పాద ద్వంద్వము, మ్రృత్యుంజయ/ మా శిరస్థ ప్రతీకయై, సర్వాభయద శివ సుందర  మూర్తిగన్!!                         ...