తోచినదేదో, తెలిసినదేదో

                           నమ్మకము!! నమ్మిన వాని చేతి రాయి సంద్రమున తేలి, సేతువు కట్టు నెమ్మనమున నమ్మిన వానికై రాముడొచ్చి, పైకము కట్టు కిమ్మనక నమ్మిక లోజూచు ధ్యానికి దైవమె, రూపు కట్టు నమ్మకమె సగము బలము,క్రృషితో ఫలించు సద్వ రమై!!                               *****

                     పురా సంస్కారం!! (ఒక ఆవు రోజూ విష్ణు సహస్ర నామ పారాయణ సమయానికి వచ్చి కూచొని వింటోందిట,జగన్నాథ దేవాలయం,పూరీలో,ఆ బొమ్మకి) ఏమి తపంబుల చేసి జనియించె నొక్కొ, ఈ ధేనూపాధిని/ ఏమి గణియింపక వినును గోవిందుని నామ ముల నిష్టన్/ కమ్మిన కర్మల,జన్మల దాటించు తారకమని  తెలిసి!/ కామితార్ధఫలదుడా శ్రీహరి మెచ్చిన సాధు మానసయై!                          ********

      కనియె న్స్వర్ణ.శైలాభ దేహు,సాగర గంభీరు       అనిలాత్మజు  నక్కదళీ వనాంతరమునన్      ఘన బలుడా భీమసేనుడు,శాత్రవ భీకర      ధనంజయ రథకేతన పంచాస్యనాద రూప                                 (ii)   వరమై,భ్రాత్రృ వాత్సల్యోదిత మ్రృదుల సామీర   స్పర్శా సౌఖ్యమై,గంధవహ హ్రృదానందకరమై!!

     సంతాపఘ్నుడు సంతతానుకంపా భివర్షుడ      నంత పద్మనాభుకై నిష్కంపాభ విడంబ ని      జాంతరార్చుల రంగవల్లుల నుంచు యంగన      లెంతటి క్రృతపుణ్యులొ సందీప్తాత్మ బుధ్ధులై!!

కారుణ్య వర్ష!శ్రీలక్ష్మీహ్రృత్సంకర్ష!నీలమేఘ సామర్ష, క్రృష్ణ!/ సరగున కావర రమా ముఖ కౌముదీకర, కోటి  భాస్కర!  అరమర ల్లేక చందురు డందరకు వెన్నెల ల్కురియు  రీతి,/ వరిపైరులు,శుష్కోర్వరల్సమముల్కావె దయాభ్రము నకున్!!

        వర్తులం సిత శుభ్రం స్వాస్థ్యానంద దాయినం       మర్త్య లోకారాధ్యం సదా సార రసాన్వితం       నారికేళ వ్యంజన  సహిత సుదర్శనం       సుఘ్రృత స్నేహాభిలషితం ఇడ్లీం భావయే!!

పూచినవి పూయును మరి విరియునవి విరియు నాచి తూచి నాటకము నడుపు నద్రృశ్య కరమ్మెదో! కాచి రసమాని, కాల గతిని, రాలినవి  రాలు! సాచి చేతుల,ననుమోదించుటెల్ల కర్జమై తోచున్!!