తోచినదేదో, తెలిసినదేదో

       వెదురుల వేణురవమ్ముల వినుటయె కద్దు!        అదరక బెదరక పాదచారు లవలీల        అద్దరి జేరు వంతెనల కట్టిరద్భుతముగ!        అద్దిరబన్న!విడువ రెద్దానిని గడసరుల్!!

     ఆకులె ఆకపచ్చని చిల్కల ఆక్రృతులై      మిక్కుటమగు చెలిమి దరియ ముచ్చటాయె!      ఆ కదళీ గుఛ్ఛమున గుసగుసల బోవు      శాకావర మరటుల పోలిక,కనువిందై!!

నిను దాల్చుట నిండుచందురుడు,అంకితుడయ్యే/ నిను కాంచుట సీత, కడు ఇడుముల నలిగే/ నిను పెంచుట జ్ఞాని భరతుడు,లంపటుడయ్యే/ వినుమ,నీ బేల చూపులెంత  సమ్మోహకములో!!

      పాండవ పక్ష దోష బుధ్ధివి,సాకల్య నిజ      విక్రమము/     న్భండనమున చూపని మెరమెచ్చపు కయ్యము     నీదని/     గుండెల నెంతగ మండించెనొ ఆతతాయి ఆ              సుయోధను/     డడిదపు పోటుల బోలు మాటల,నో కురు     పితామహ!                               (ii) గాండీవి అలుగులవి కడునెయ్యపు పల్కరింపులై నీ ఒడల యుండిపోయెనో శరతల్పశయన,శాంతనవా!                                ******

ఘనులా తాపసి వరు ల్బహుకాలము శరీర చిత్త/ సునియమిత వ్రత ఫలమై పొందిన నీ  దర్శనము/ లనంతాచ్యుత!అనాది దైవమ,ప్రభో,ఉదయగిరి/ ఆ నభోవీధి బ్రాహ్మ్యాదిగ బ్రహ్మవై,మాధ్యాహ్నశిఖల/                            ( ii) కార్ష్ణ్యాంతక శివుడవై,సాయంవని శాంత              నారాయణుడవై/ కరుణింతువే మమ్ము త్రిమూర్త్యాత్మక సూర్య బింబివై,నమస్తే!!

ప్రాభాత వేళల సీతా సునయన మనోహరములు విభు రాకకై సాశామతులై వేచినట్లు,రామాక్రృతీ అద్భుత గాత్ర వరులా,కుశలవ రామాయణ గాన వైభవ సురభీ సాక్రృతులట్లు, వల్మీకాశ్రమమునన్!

      కొమ్మనే  బహు పత్ర మధ్యయై అలరారిన,       కొమ్మల పెన్నెరి వేణుల గోముగ కూర్చున్న       అమ్మలగన్న ఆమ్మ పదముల వ్రాలినను       ఇమ్మందారపు టరుణిమ లతిశయింపవే!!

రాగరంజిత మృదుల సురభులు మీరని రెక్కల తేరు! రాగరంజిత మధురగాయకులు మీరని విరుల వారు!

అమ్మ,అన్నపూర్ణయె,విసుగెరగక  పెట్టునని  తెలియు/ కమ్మని భక్ష్యాదుల తాము పంచుకొనుట కద్దని తెలియు/ కొమ్మపై కాపు కాసిన రీతి,వేచుటేలనో మిత్రు లిర్వురు/ చమ్మగ దినుసంత గొని ఒక్కరు, పై కెగిరి పోవు నట్లున్!!

        బిర బిర చర  చర అటు  నిటు          పరుగిడు చిరు ఉడుతకు కడు         నోరూరె,తాయిలమేది దొరికెనో!         అర గింజకె పొంగు అల్పానందికిన్!

వర వర్ణాంశువుల తరణి కళ ఒకటి తరుణారుణపు మురిపెమది వేరొకటి! ఇరు విరి సిరుల సరస భాషణమేమొ కరిరాజ వరదు దేవి,కమల తెలియు!!                      **** (వరవర్ణం=gold)

కులాలు డొడుపుగ చక్రమున త్రిప్పుచు మృత్తికను, పాల్పెరుగులు పట్టు చక్కని భాండముల చేయు రీతి, పలు వేల జనముల నలర్పజాలు  ఆకాశహర్మ్య మలవోక చుట్టి నిల్పి రంచులా జాబిలి తాకునేమో!

  ఆకసమున ఎగిరిన,భూతలమున నడచిన/   చికిలింత పిట్టైన,మెకముల రేడైన,సమానమె!   చింకిపాతల బీదైన,లోకమేలే రాజైన,సరియె!   ఆకలి దప్పులొక్కటె,నీరే ప్రాణమై,జీవాధారమై!