తోచినదేదో, తెలిసినదేదో

        వాసిగ కాశిలోనే నుందురన్న విశాలాక్షీ          విశ్వేశ్వరులు,/         ససిగ చూసి నరయ,యుసురుల ననసు         వుల నన్నిట/         న్సమానమై సర్వత్ర లేరొకొ,విశ్వాత్మ రూవు          లా ఆదిద్వయి/        అసువుల నిచ్చిన  నధిష్టానము కది యిద        న్నదున్నదే?!!                                 *****

రాణిగ, సింహపీఠి నలంకరించు క్షణమున, కానల కేగితివి/   రాణగ, పతిని చేరు ఘడియ,కణ కణల పావకు జొచ్చితివి/ రాణిగ,యింత సుఖియించు తఱి,త్యాజ్యవై ఆట వుల మిగిలితివి/ పూర్ణగ, శీలపూర్ణగ,వీరసూనుల పతికిచ్చి, ధర చేరితివి!                           (ii) మణివమ్మ, భరత వనితా ఘన చరితానర్ఘ  శిరో మణి వమ్మ!/ గుణరత్నసంఘాత సుశ్వేత ఓ సీత!క్షమా  ప్ర పూత!సత్త్వ నిత్యస్థా!                       ****

      నడిపే దైవము సన్నిధిని, "నడిచే దైవము"                ధ్యానిగన్!       సుడులై తిరుగు మనము నటు నడపరె       శరణన్నన్!!                           ******       అరళీ మాలాలంక్రృత శివకామ సుందరి                    లలితాంబిక/       అరుణారుణ నవప్రభల,ద్విగుణీక్రృత        శోభాక్రృతయ్యె!/      శరణాగతాప్త కరుణాలయ, వీణాపాణీ                     కమలాలయ/      చిరసేవిత, తరణోపాయము చూపదె,                       సర్వార్ధప్రదయై!!                             ******

                          బాల!!       బాలే, సుమ రదనే' పరిణతేందు వదనే'        ఖల కదనే /       కాళే, లీలాకల్పిత జగజ్జాలే, మ్రృదుకర        ధ్రృతాక్షమాలే/       జ్వాలే,తాపత్రయ ఘననిశారణ్య దాహక,       మహాగ్నిజ్జ్వాలే/       మూలే,సర్వజగత్స్రృష్టి సంపోష సంహారానా        ద్యవ్యయమూలే!!                                   ****

                    ఓయి ఏమిత్తురోయి,దేవ                     దయ లేని వారీ ఇలను!                                            *                     మోయగను బరువులే గాని                    కాయగాయ మా కాయమది!                                       *                    రేయి వాల్చినదె యీ మేను                    ఆయువె తరిగె కరిగెనిక!                                       *      ...

                         నటరాజ!! అగరాజ ప్రియనందినీ సుమనో విరాజ,జయార్థి కల్పభూజ/ జగదేక హ్రృషీకానీక దమన, ప్రాదగ్ధ విర్యాశుగ  మదన/ నిగమార్చి తాగణిత జతిభేద  కల్పనాభౌమ  నర్తన తేజ!/ గగనాంగణా సంచలిత తాండవార్భటీ, విభ్రాజ  శ్రీ నటరాజ!                       ***** కుంచిత పాద న్రృత్యన్మనోజ్ఞ రూపం,నటరాజం/ అంచిత దిగంత స్పర్శితోర్ధ్వబాహుం,చిదంబరం/ వంచిత దేహాడంబర రతి కాంతం,రుద్ర తేజం/ సంచిత దుష్కర్మ లవిత్రం,వందే త్రినేత్రం,శివం!!                        *****

         అవ్యయానంద పద సాధనల వెలిగె, నీ          అర్వాచీన మౌని/         కావ్యకంఠ పద దీపిత సూరి, రమణర్షి          దీవిత తామస వైరి!!                                  ****

             పదయుగము తన మూపున నుంచిన శ్రీహరి       నెద భక్తి పొంగారగ, వహించు నా సు పర్ణుడు!       వేదమె నరాక్రృతియై వెలసిన ఈ  రాముని       ఆదరమున దాల్చు నీ, గుణార్ణవ సౌవర్ణుడు!

రారమ్మ,రారయ్య, చుక్ చుక్కను రైళ్ళ నేసినాము శ్రీరంగ దేవు, నెంచక్క దర్శించి, తరియింపగాను! అరమర ల్లేవూ,అందరొక్కటె మాకూ,రొక్కమిచ్చీ తరలండి,పయన,నయనాందములు,మీవె నండీ!!

   నారాయణ వర  తరంగముల ఆడి పాడిన     తీర్థుడీతడు/    పారాయణల నందర కుహూస్వర విహంగములై       మార్చినాడు/    మారాముల బాలక్రృష్ణ లీలాంగణ రేఖాచిత్రముల    గీసినా/    డారామ సుందరముల  విహరింపరె  కైవల్యార్థు         లెపుడున్!!                                ****

        శ్రుతి పక్వమగు నిజ తంత్రుల లోనొ         శ్రుతి సుభగముగ మీటు వ్రేళ్ళలోనొ         కతిపయ వాదిస్వర మేళములోనొ         ధాతువేదో ఆ విపంచీ మాధురులకు?!                              (ii)        ధాత వ్రాతయె యని సద్గురు తీర్మాన        మే తలిర్చు సునాద పూరణ కైనన్!!                               ****     ("సీతావర, సంగీత జ్ఞానము ధాత వ్రాయ      వలెరా"   అని ఒక త్యాగరాజ కీర్తన!!)

         పెంపేద మొరలవి విభు చేరునో లేదో          నింపాదిగ కూర్మి పెంపెసలారు వేళల          ఇంపగు మాటల,నీ దీను బ్రోవమనవే          క్రృపావల్లి, శ్రీ జానకి, నను గన్నతల్లీ!!                                  *****         

      వినాయక విభో! వ్యాప్త రూప,విశ్వతోముఖ        అనారతము నిను  కొలుతుమయ్య గురితో       వినా విఘ్నముల కార్య సాఫల్యతల నిమ్మ       సనాతన దంపతీ వర పుత్ర, యిభ వక్త్రా!                                  *****