విన్నపము!
వినాయక విభో! వ్యాప్త రూప,విశ్వతోముఖ
అనారతము నిను కొలుతుమయ్య గురితో
వినా విఘ్నముల కార్య సాఫల్యతల నిమ్మ
సనాతన దంపతీ వర పుత్ర, యిభ వక్త్రా!
*****
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment