తోచినదేదో, తెలిసినదేదో

  నిలువున పూసెనే, పాటలారుణ సౌరభ ధ్వజము   కలుముల కొల్చెనే,పుష్పపతంగ మెప్పటి నేస్తము!

  సౌమిత్రి ప్రాణదాయిని, ఆ సంజీవనీ మహౌషధ శ్రీ   సామీరి మహౌజస సూచికయై సుకాంతులీనినట్లు!!

             మున్దేమొ కొనదేరిన నాసిక              వెనుక  తెగబారెడు  పెన్దోక              ననల  తేనె సోనల కోరిక              ఎన్దాకో గాలిపడవ షైరిక?!                   (గాలి పడవ=పక్షి)                             ****     సుమాంతరంగ గంధ మెంతటి ప్రీతియొ     సమాదరమున దరిసె సుదీర్ఘ నాసిక!     విమాన వీథుల,తన గూడెంత దూరమైన      అమేయ మైత్రి కవరోధమె,వాలధనికి!!

  ఓంకార నాదమది సుడులు తిరిగి ఆకాశమే  తాకెనుగ/ ఆ కాలుష్య హారిణి పాతాళ గంగెగయ తా  వీకముగ/ శ్రీకాంత దేవుని ఏకాంత భక్తితొ  పిలిచేటి  దారొకటి/ ఆ కారుణ్యసింధు పదమంటి పుట్టింటి చూచేటి ఆర్తొకటి!!

  వర ఖడ్గముల తళతళ లట్లు కోరి పోరెడి సమద వీరులట్లు మెరసెడి కుశాగ్ర బుధ్ధియట్లును నేర్పరి శబ్దగ్రాహకు కళయట్లు!!  రత్న ఫణి సర్రున జారిన యట్లు ద్రుత గతి నర్తకి భంగిమలట్లు జితేంద్రియు దైవీక స్ఫురణలట్లు సరిద్రమ వార్ధిసంగమ వీకమట్లు! సొంపగు కాళియమర్దనుని వల్గితములట్లు  ఒప్పగు శిక్షని,గోప పెద్దల చప్పటులట్లు కప్పెడు చీకటుల నాగాంగనా చిత్తములట్లు తప్పుల సరిజేయు క్రృష్ణుని హాస రేఖలట్లు!!   చిదంబరేశుని తాండవ మ్రృదంగమట్లు మ్రృదుల గౌరీ లాస్య రమ్య పదములట్లు ఆది దంపతీ సుపద స్పర్శా,పులకిత సంధ్యాంగణ మెగయుచు ఉప్పొంగినయట్లు!!

      కొండ కొమ్మున కారు మొయిలొక్కటి మొరసె       నిండు కాంతుల సూర్య మణొక్కటి మెరయ!!

       పసుపై విరిసిన సుకుమారపు మందారం        విసు వొదవని సిరి గంధపు సుమ శిల్పం!        పసి పాపల శశి  కాంతుల,చిరు నవ్వను        వసి వాడని కళ మాయని పువ్వుకు జోడై!!

పూల పూయింతురు కాదె రంగవల్లుల అంగనలు! ఇల నవ్వినట్లు, లతాంతముల గవ్వలాటలట్లు!!

    మింటిదీపమై అణువణువు వెలిగించు మిత్ర            సద్విభుడు/     ఇంటిలోనికి చూడ అనుజ్ఞ నడిగె,మర్యాదల            కాదియై!!

యుగానంత సర్వమంగళయగు అజాండ భూరి కుటుంబిని/ జగదతీత  లావణ్య శేవధియగు బాల,నవోఢయు,  ఆ/ నగాధిప సుతా వదన హేమ సుదర్శన మీ  మందారమ్ము/ హింగుళా వ్రృత్తమే కుంకుమ బిందువై, ఆదర  ముప్పతిలన్!!