తోచినదేదో, తెలిసినదేదో

                        ప్రాక్రృతికం!! 1. రెమ్మలు తొడిగెనివే మంచు బిందు వజ్రపు టుంగరముల/ కమ్మగ సాగే గాలి రాగాల,వర్ష భోగాల సంబరంబునన్!! ********************************* 2 మంచు చుక్కల ఉంగరాలివే,విచ్చు కత్తుల  రక్షణలో!/ హెచ్చుకాలము నిల్వని ఈ సిరులకు ఎన్ని  కట్టడులో ***********************************

తులసి వనమున వెలసిన శ్రీరంగ నాయకి అ లయ దెపుడు,తా విభుని తలపుల మునిగి! పిలచె నిదిగో చెలుల, పర సిద్ధి వ్రతముకై అల గోపకాంతు గుణ రూప కీర్తన ల్సేయుచున్!! ************* తు లసి వనమున వెలసిన రంగనాయకీ బాల తులసి వినునటుల,చేతి చిలుక అనునటుల పలికెనె పరవశయై,హరే శౌరే యని నోరార ఇల లోన,కల లోన,మనసంత శ్రీరంగధామమై!! **************

          ఒకరితో ఒకరు,మనసుల  సహ వాసం!                        ఒకరికై ఒకరు,యెడదల  సమ  నాదం!!                                      ***

   పదములె చాలు,నా పాలి దైవమ,ఓ లీలాక్రృష్ణ,    గోపాల/    వదన మాంగల్య దర్శన పదమె చాలు,ఓ మీరా         హ్రృత్పాల!                                ‌****

అక్కజ మొదవు తెన్గు పదబంధ పారిజాత వన సంపోషికి/ చెక్కిన  శిల్పముగ  భారతమును  తీర్చిన కవిరా డ్విశేషికి/ ఎక్కడి  చిత్తవ్రృత్తుల  పుక్కిటబట్టి  చిత్రించిన లోకాన్వేషికి/ పెక్కులు సాష్టాంగములివె హరిహరాద్వైతికి తిక్క మనీషికిన్ !

         ఈ కమలాయత లోచనములకు కాదె/          ఈ కనుల నవ్వు జాణతనముకు కాదె/          ఈ కమనీయానన ప్రభ, భ్రమసి కాదె/          ఆ కాళిందీ తరంగము లట్టె యెగయుట!                                     (ii)         ఆ కోమలాభీర చిత్తములు తపించుట/         ఆ కదుపు ల్మైమరచి క్షీరాం బుధులౌటన్!!                                ****

   మనసు ఓపని బాధలుంటే, కొంత మరుపే అది         సుఖం!/    తనువు తాళని గాసి ఉంటే, సుంత నిదురే అది         వరం!!                                   *****     (బాధ,గాసి- రెండూ లేని సుఖ నిద్ర,బొమ్మలో            వాడిది!)

         ఎంతగ నచ్చెనొ చెల్లి ఆ కనకాంబరపు           వర్ణాంబరము!/          వింతగ తా దాల్చె గులాబిబాల,పూదోట           నేడేమి రవ్వయో?!                                 *****           Note:          (చెల్లి,కనకాంబరం రంగు ఎంతగా నచ్చేసిందో            గులాబీ అక్కకు,ఆ రంగు తాను వేసుకొని                  వచ్చేసింది!!           పూల తోటలో ఇవాళ అక్కా చెల్లెళ్ళ మధ్య              ఏమి   నెయ్యపు కయ్యాలౌతాయో కదా                      అన్నట్టు,ఒక కల్పన!!)                                ...