సర్వకర్త!!
విరియ నుంకించునది,అర విరిసినది,విరియ బూసినది, కానిదేది,/ వర్ణ మ్రృదుల భూష?!/ అరయ తరమె ఆదిదేవ,నీదు సౌందర్య కల్పనా గరిమా సేవధుల,/ జగన్నిర్మాణ కోశ!! *****
Posts
నటకావతంస!!
(తల్లికి కనబడకుండా నక్కి,దాక్కున్నాడా జగన్నాథుడు?!) దారు శిల్ప మంగళుడు,చారు నీల సుందరుడు ఎరిగియె నటింపడె, పుట్ట చాటున పొంచిన తరువుల నెక్కిన, తరగల తేలియాడిన సురభుల నే సవ్వడి లేక నాటలాడినను! (ii) మరుమల్లెల మందార మాధవీ లతల నక్కిన,తన సురుచిర నయన కాంతుల నిట్టె తల్లి పట్టునంచున్ !!
అవినాభావం!!
పిండి వెన్నెలల పర్వడియైన నిండు జాబిలిని వీడునె/ వెండి వెలుగుల తారకామణు ల్దివిభువి నెచ్చట నైనన్!! ***** NOTE: పిండి వెన్నెల పర్వడి-నిండు జాబిలి! ఆ పై భాగం! చిన్న పూలు-తారకామణులు! నింగిలో నే కాదు,నేల పై కూడా కలిసే ఉంటాయి అనటానికి- "ఎచ్చటనైనన్"!
అజ్ఞాత శిల్పి!!
ఎవరే చేసిరి రంగుల భరిణె నిటు,తెలతెల వారకనే/ ఎవరికి కనుగవ కెన్నడు తోచని,ఆ శిల్పిరాయ డెవరో?!/ నవనవలాడెడి వెండి దొంతరల సొగసు పళ్ళెరమున,ఈ/ నవకపు కనకపు వెల్గు దళముల,మార్మికుడది ఎవరో ?!!
ఈవి!!
సిరి, తా తినినది అరిగి పోవు,ననామకముగ సిరి, తా నిచ్చినది పెరిగి చూపు,జనాదరణగ అరమరయె లేక దానమిడు శుభాంతరంగులకు, మరిమరి ఈయడె శతాధిక మా హరి,శ్రీధరుడై!!
నవీన రాత్రీ సూక్తం!!
నిద్రకల్లన జార్చి మనుజుల, సేద దీర్చు తల్లివె నీవు/ భద్రతల కొనితెచ్చు యుషోదయమ్ము కద్రృశ్య సోదరివై!/ క్షుద్రత ల్లేక పరతు విరుల సమత న్నీవు నిర్నిద్రవై ,/ ఛిద్రము కాదె మనికి,నీవు వినా,ఓ శర్వరీ దయాకరీ! ***** ఇంత పట్టు సడలక, ఎప్డు ఆశ వదలక యత్నశీలత కాదె మనిషి విధి, ఆ పరిధి! నిత్య క్రృషిలో దాగి లేదె,వేకువ కంకురము! మాత నిశీ!నీవె వెల్గు రాక, శుభసూచకము!
ఏమి కోరక!!
దారాల హారాల నవతరించిన తొలి దేవరండి వరాల గిరాల వేడక,నమములని తరలండి!! (ఈ విగ్రహంలో ఏ పెయింట్ వాడబడలేదు,కేవలం పలు రంగుల దారాలతో చేయబడ్డాయి అని చదివిన తరువాత వ్రాసినది)