అజ్ఞాత శిల్పి!!
ఎవరే చేసిరి రంగుల భరిణె నిటు,తెలతెల
వారకనే/
ఎవరికి కనుగవ కెన్నడు తోచని,ఆ శిల్పిరాయ డెవరో?!/
నవనవలాడెడి వెండి దొంతరల సొగసు పళ్ళెరమున,ఈ/
నవకపు కనకపు వెల్గు దళముల,మార్మికుడది ఎవరో?!!
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment