కినుకయో?!
దళ హరితముల నీవె, ముకుళ ముగ్ధతల నీవె!
పూల పేశలతల నీవె, పల్కరించు తావుల నీవె!
వేల పలు వన్నెల నీవె, వ్రృక్షకాళి నేవళ మీవె!
యేల శాంతామలదేవ! మౌన కాఠిన్య మీ వేళన్!
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment