పూజలో శ్యామక్రృష్ణ!

                   పూజలో శ్యామక్రిష్ణ!! 

ఒరయు కావేరి స్నానమాడి  వెలుగు రేకల పల్కరించుచు/

సరిగంచు పట్టు ధోవతితో విభూతి కుంకుమల మించుచూ!

                       ****

పూదోట తానె గోరానిన మందార మల్లెలు మంచి గంధాలు/

చేదాల్చు వెండి సజ్జ పద పదమన చేరెనే అమ్మ 

గుడికి!!

                        ****

వేద కాంతియై భాసించు సిరిమోముతో సామోద సదాక్రృతి/ 

సుధ్ధ్యాన ముద్రయె నడచినట్లు శ్యామక్రృష్ణ,తల్లి 

పూజకై!

                        ****

నుత శచీశ సేనాని, క్షిప్ర ప్రసాదిని,సుతు కానో, 

పరాకేల?/

నత జన పాలిని, అమ్మ మాటాడవేల నాతో,యని

 వగచె!

                          ****

బంగరు కామాక్షి మందిరమ,హ్రృదియె జనని 

మంటపమ/

పొంగెడు అందెల నాదము సాగె, నెవ్వరు వినని సవ్వడియై!!

                           ****

గంట మౌనముదాల్చె, దీపమచలమై నిల్చె, కాలమె ఆగెనొ?/

కంట జగతి పాలించు కామాక్షి కళ, కరుగ శ్యామ క్రృష్ణలో!

                            ****

వేదార్ధములె బోధించెనో సంగీత అగాథాంశములె చెప్పెనో/

ముదమార అంబ మాటాడె తనయుతో,ఆతడవాక్కై వినగ!

                            ****

సదార్తిగ పిలచిన రాదె తల్లి బాలుని యొడి జేర్చి లాలించ/

పదారవిం దాశ్రిత జనావళికై  దయా సు లలిత 

పాలించ!

                            ****