అమ్మమ్మ!
అమ్మమ్మ దిద్దవే అద్దమును చూసి రూకంత కుంకుమల బొట్టు
కమ్మనైన మాట, కలువ చలువ చూపు నీవే మా పెద్ద దిక్కు
అమ్మతోను చెప్పలేని అంతరంగపు టూహలకు చెవి యొగ్గు
నెమ్మదివి ప్రేమంపు నిధివి,నీ ఉనికె మాకు కామాక్షి రక్ష!
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment