మిశ్రరాగాలు!
అల్లనల్లన వీచేటి చల్లగాలి తరగల హేల
న్రృత్యములు/
మెల్లమెల్లని సన్నని గళముల సాగేటి గాలి
సంభాషణలు/
తెల్లతెల్లవి కావు ఎర్ర ఎర్రలుకావు కోటి కొకటౌ
రాగాలు/
కొల్లబోవును కాదె మాటలు,పూలబాలల సౌరుల వర్ణనలన్!
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment