అచ్చెరువు!
ఒత్తుగ తారామణుల కూర్చిన ఆకసపు తునుక
యొకటి/
ఇత్తరువున నిత్తఱి నిధ్ధరణి వేడ్క మీరగ
దిగినట్లు/
నెత్తావుల నెఱిచూపుల మా పోలికలె యచ్చెరు
విదేమని/
చిత్తముల వితర్కించు ఉద్యానవిరు ల్గుసగుస లాడినట్లున్!
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment