తల్లి!!

                                 తల్లి!!

ఏ నాటికైన ఆ ఇంటికి సాగనంపక తప్పని ఈ నా చిట్టి/

 

ఈ నాటి నును చివురు పాదమిది, నా దోయిలిని అద్ది పట్టి!/

   

నానాటి కింతింతయై రాణి లాగ వెలగాలని ఈ కన్న తల్లి,/

 

ఏ నాటి కీలాగె చేతుల్లొ బొమ్మయై ఆడాలని,ఓ వెర్రి కోర్కి!!

********************************************

(భూమిజ యైన సీత గురించి,తల్లి భూదేవి అనుకున్నట్టు!

1.సీతారామకళ్యాణం,రాజ్య త్యాగం.

2.వనవాసంలో రాముడిని అనుగమించటం

3.అగ్ని ప్రవేశం

4.లవకుశుల నప్పగించి,భూమిని చేరటం-సూచితాలు!)

ఈ సుపది యే శ్రీ కరముల చేపట్టి, యే పదవి త్యజించునో/

ఈ పదము లే సుపదముల పట్ట యే వని కనుగమించునో/

ఈ పదము లే కటుపథముల నోర్వ మి, ఏ పావకమగునో/

ఈ పదము లే దుష్ప్రథల బాపి నిర్లిప్తయై,నాలోనె చేరునో!

            ‌‌.       *****