యాగ రక్షణ!
స్వాత్మమేమున్నది,యాగరక్షణకై గొంపోవుట రాఘవుల/
స్వామి కొనగూర్చు బాగేమి, ఆ దివ్యాస్త్రములను
గరపుట/
ఏమి జేసిన జగద్రక్షా హేతువులనే, ఋష్యా రంభముల్/
భూమిజా కళ్యాణోత్సవము నాందిగ,రావణాంత మంగళంబై!!
రామ పదములు!!
చక్ర శంఖ పద్మ స్వస్తికాద్యుత్తమ సాముద్రికానేక ముద్రాంకితా/ వక్ర పరాక్రమ కోదండవిద్యా మేరువా రామ విభుని పదము/ లక్రమ బుధ్ధుల నిట్టె సరిచేయు ధర్మ పథ నిశ్చిత గాముల/ వక్ర ఫలామోఘ వాగ్శప్త దీనుల బ్రోచు మోక్ష పద శుభమ్ములై!! ******
Comments
Post a Comment