వహోత్సహులు!!
గహన వన, నగరాజాబ్ధి నదీనద గురు
భర వహుడైన
అహీశుడట్లు,బహుళ మౌక్తికాలంకార వజ్ర వైఢూర్య నిబధ్ధ
మహాహిరణ్య ధూర్వహానందమూర్తివై నీవిట్లు భళిర,ఈ భృత్య
గృహమేధుల భరణోత్సుకల్,నిత్యకళ్యాణ!శ్రీవేంకటేశ్వరా!
రామ పదములు!!
చక్ర శంఖ పద్మ స్వస్తికాద్యుత్తమ సాముద్రికానేక ముద్రాంకితా/ వక్ర పరాక్రమ కోదండవిద్యా మేరువా రామ విభుని పదము/ లక్రమ బుధ్ధుల నిట్టె సరిచేయు ధర్మ పథ నిశ్చిత గాముల/ వక్ర ఫలామోఘ వాగ్శప్త దీనుల బ్రోచు మోక్ష పద శుభమ్ములై!! ******
Comments
Post a Comment