పూల శాలువ!
పరచి నారహో పూవుల ఆకుల శాలువ నెవరో
అరసి చూచినా తెలియ రెవరు వేడుక ఇదేమొ
విరియ జేసి తా ముగియ జేసెడి వింతల నియతి
ధరను రాలిన, వీడని నవ్వులు, వీకపు పచ్చలై!
***
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment