రెండూ కోతులే!!
సందేహమేమి,దానికి సహజము ఆ కోతి బుధ్ధి,
వంద కోతులకు సమానమట బాల బ్రహ్మచారి!
ఎందేమి యల్లరి చేసి కాజేసిరో,ఈ పండొకటి
విందు చేయుచున్నారహో,ఇకఇకల నిర్వురున్!
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment