అరుణోదయం!!
ఎర్రా ఎర్రాని నేవళముల తూరుపూ గగనమోయ్
పరుగూ పరుగూన శిఖర మెక్కేటి ఆ సూర్యుడోయ్
సరగూ సరగూన పనులా చక్కబెట్ట సాగవోయ్
కరిగెనా దినము మలి సంజలో,తరి జారునోయ్!!
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment