అమ్మ!!
ఉప్పుమూట నేనై బాగ ఊరేగుటకు పల్లకీ మా అమ్మే/
చెప్పి మైమరపించు,కంచికి పోని కథల కల్పవల్లి అమ్మే/
మెప్పు పొందినను,తప్పు చేసిన, చెప్పుకొను దేవి అమ్మే/
గొప్పగ పేరైనను, నా 'కన్న' యని నోరార పిలచున దమ్మే!
****
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment