వజ్ర కవచి!
వ్రజ భూమిని బుట్టిన నజస్రమీ బ్రహ్మాండములకె
వజ్ర కవచమౌ సాహస్ర శీర్ష, శ్రీ నందక ధారి క
క్కజముగ వజ్ర కవచాలంకారము చేసిరివ్వేళ!
నిజ భక్తుల కాదనునె ఆ దయాళు వెన్నడైనన్?!!
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment