మువ్వురు మువ్వురే!!
కొమ్మ పైని కోయిల కూజితమది, వీణలో పల్కించినదొకరు/
కమ్మని పాటలను,శ్యామసుందరు వేణువట్లు కూర్చినదొకరు/
అమ్మ, సంగీతవాణి గారపుపట్టిగ,రాగముల నింపినదొకరు/
చెమ్మగిలు కనులు,మువ్వురి కళానైపుణి,భక్తి గౌరవములన్!!
విరి (యు) వైనము!
గుప్పిటల దాచిన రత్న మాణిక్య ధగ ధగలను ఒప్పుగ భద్రహస్తముల విప్పి చెప్పు వైనమున ఇప్పూల ఠీవులేమొ,విరిసినవి కనుగవకు విందె మెప్పుగ క్రమసుందరమై విరియునవియున్!! విరిసిన విరి అందమ?! విరియుటయుఅందమ?! విరియు దశ నందుట అందమ?!విరియ జేసిన కరము అందమ,మనఃసుమ భావగంధములగొని అరమరికలేమి లేక నిజముగ చెపుమ లీలాకృష్ణా
Comments
Post a Comment