గంగాళంలో ఏమేం పెడతారోయ్ పట్టినన్ని బిందెల చన్నీళ్ళా స్నానానికి పెదవారికి వేన్నీళ్ళా?! ** ఇంట్లో విందైతే, నలుగురు విచ్చేసే సందడి అయితే నోరూరించే నువ్వుల అరిసెలా ఏలకి సురభుల లడ్డూలా అబ్బో అనిపించే అప్పాలా, కావివేవీ,కమ్మని కజ్జికాయలా, పొట్టనిండా తినమనే పూర్ణబ్బూరెలా?! ** ఎప్పటికీ తీపేనా మీ గంగాళం కారం వద్దంటుందా?! ** కళ్ళకు ఇంపుగ కరకరల కారబ్బూంది నిండుగ వాంపూసా,జంతికలూ పదిరోజులు టపటపలాడే తప్పేల చెక్కలు ఇంకేవైన మనిషికి చురుకిచ్చే,రుచి మెచ్చే కారక్కారపు ఊరింతలు పెడితే పాపం! మీ గంగాళం వద్దంటుందా ఏం?! ** అమ్మోరికి పొంగలి పాయస నైవేద్యాల అయ్యోరికి పులిహోరలు దధ్ధ్యోదనాల సంతర్పణకై కమ్మటి కూరలు,పులుసుల! బహు దొడ్డది పాత్ర,,ఈ ప్రాచీన ప్పాత్రది! ** ద్రవమైతే ఓ అంటుంది,ఘనమైనా సరే ఏ వ్యత్యాసం చూపని ఘన పరిమాణపు గతకాలపు గుర్తుల తెచ్చే ప్రృథు పిత్తళం, గంగమ్మతో ఏమో బంధం,పేరేమో గంగాళం ! ****"